Конкурсная праграма эксперыментальнага кіно
11 красавіка, 17:00 - Цэнтра Сучачных Мастацтваў, вул. Някрасава 3

Альтэрнайтыўны погляд на тое, што такое кіно і хто мы такія. Гэтая праграма не для уразлівых глядачоў і нават для падрыхтаваных гэта будзе сапраўдны “экспірыэнс”. Візуальная філасофія. Хто мы такія, дзе мы жывем, як мы жывем і што мы адчуваем? На гэта паспрабуе адказать эксперыментальная праграмма гэтага году.

Кошт квітка на 2 паказы ў ЦСМ гэтым днём - 40 тысяч.

Вынаходніцтва пустэчы / Ле Тэксье ( France, 7 min)

Людзі былі нашымі бацькамі, нашымі пастырамі і нават нашымі забытымі дзецьмі. Хто мы такія?

Калізейдаскоп / Наталля Рыс ( Russian Federation, 1 min)

... трохі Апакаліпсісу.

Манатоннасць / Крыстоф Бакур ( France, 3 min)

Погляд Роршаха на архітэктуру Мінска.

Дрэйф па Манатанака / Майкл Лайонс ( Japan, 4 min)

Б.П.В. Больш сумна, але мудра. Пераўтварайся. Завалодай кампаніяй.

Гэты фільм з пакадравай здымкай на плёнку "super 8" расказвае пра бязмэтны шпацыр у духу сітуацыянісцкага "дрэйфу" па адным з раней неспрыяльных кварталах Кіота, якасць жыцця ў якім па-ранейшаму не адпавядае японскім стандартам. Нягледзячы на папераджальныя меры, людзі з такіх раёнаў могуць па-ранейшаму падваргацца дыскрымінацыі. Для стварэння саўндтрэка да фільма быў выкарыстаны арыгінальны інструмент, які атрымаў назву "Васьміног". Аналагавы мадулярны сінтэзатар кіруецца напружаннем датчыка свету на праекцыйным экране, што пераўтварае фільм у візуальную гукавую дарожку.

Я як нехта іншы / По-Янг Чанг ( Taiwan, Province of China, 14 min)

У кватэры жывуць шэсць чалавек. Першым з'яляецца Спячы, які робіць пяць дублікатаў. Калі калі яму сніцца адзін з іх, іншыя вымушаныя знікнуць. Хто такі гэты Спячы і хто такія іншыя? Іншыя спрабуюць збегчы з сноў, каб выратаваць сваё жыццё і стаць самімі сабой.

Песня пра разумны горад Сонгда / Сільвія Уінклер, Стэфан Кеперль ( Korea, Republic of, 6 min)

Іх пабудавалі на прыватызаванай зямлі, імі кіруе адна кампанія, іх фінансуюць міжнародныя інвестары. Гарады становяцца прадуктамі, арыентаванымі на рынак, якімі гандлююць. Але людзі знаходзяць дасціпныя спосабы барацьбы з гэтым. Давайце паразважаем на дадзеную тэму пад спакойную хард-рок мелодыю ў адной са свабодных эканамічных зон Паўднёвай Карэі - Нью-Сондга-Сіці.

XYX / Саша Ігнатовіч, Каця Дробыш, Том Гамізэль ( Slovenia, 4 min)

Што ёсць чалавечае цела? Чаму некаторыя часткі мы лічым прыгожымі, а іншых саромеемся? Ад чаго залежыць успрыманне нашых уласных целаў, і каму яны належаць? Фільм «XYX» - гэта аўдыёвізуальнае падарожжа па чалавечым целе, яго культурнае ўсведамленне, візуальнае і фізічнае ўспрыманне формы і тэкстуры. Фільм раскрывае ўзаемасувязь паміж сэксуальнасцю і целам праз візуальнае даследванне цялесных табу, разбурае агульнапрынятыя сэксуальныя вобразы і імкнецца змяніць уяўленне аб візуальным кантэксце і сэксуальным бачанні цела.

Вярчэнне / Оэн Хіні ( Ireland, 6 min)

Створаны ў натхненні творчасцю Эдварда Мэйбрыджа, "Кручэнне" — гэта фільм-танец, які вывучае цыклічную прыроду і паводзіны сучаснага грамадства.

Адзіночны#Двайны#Трыйны / Антанэла Міньёне і Крысціана Панепучча ( Italy, 9 min)

#Адзіночны #Двайны #Трайны — гэта танцавальны фільм пра траіснасць, успрыманне і чалавечую прыроду. Канцэпцыя трыяды, або тройцы, існуе ва ўсім свеце на працягу бясконца доўгага часу. Гэты сімвал шырока распаўсюджаны ў розных філасофскіх, рэлігійных і навуковых сістэмах. Канцэпцыю тройцы можна разглядаць як ключ да цэласнасці і ўзаемасувязі ўсяго, што існуе.

Даследаванне сутнасці з фігурамі ды гукамі / Рык Нібе ( Italy, 4 min)

Кароткі агляд хатніх абставін з людзьмі, якія згубіліся сярод рэчаў.

Перапрацаваны эпізод з невядомага порнафільму 70-х гг. Гукавы рад запазычаны з розных фільмаў і тэлевізійнай рэкламы. Таксама гучыць падпольны запіс выступа Арто Ліндсэй у Бобур (Цэнтр Пампіду) 6 верасня 2010 года.

Электрыфікаваны Езус / Хіяш Танмой і Мрыгнаксекар Гангулу ( India, 12 min)

Пасля гістарычнага вердыкту, які быў вынесены Вярхоўным судом Індыі ў адпаведнасці з артыкулам 377 Крымінальнага Кодэксу "Ненатуральныя злачынствы", "ненатуральны" мужчына ўсведамляе, што знаходзіцца ў палоне галюцынацый. Ён бавіць час са сваёй "ненатуральнай" марай, як старамодны пісталет, які мроіць стрэліць апошні раз. Ён жадае свабоднага кахання, якога аднойчы Гітлер жадаў для сваёй Германіі. У замагільным свеце, за мяжой Дабра і Зла ёсць сад, дзе чалавек сустракае свае каханне.

Фотакрупінкі / Торстэн Фляйш ( Germany, 5 min)

Асобныя элементы носьбіта візуальнай інфармацыі былі аддзеленыя адзін ад другога для стварэння альтэрнатыўных візуальных рэагентаў. Паўтор (у часе і прасторы [і пры стварэнні]) выступае ў якасці злучнага звяна, неабходнага, каб прывесці бязладныя часціцы ў рух і намаляваць ва ўяўленні залатое сячэнне.
Архіўныя кадры на старой плёнцы выкарыстоўваюцца ў якасці блокаў для стварэння альтэрнатыўнай рэальнасці. Захаваная гісторыя фармуе сучаснасць і такім чынам прапаноўвае нам магчымае развіццё падзей у будучыні.

Мёртвая рыба з Берліна / Марсель Бэк ( Germany, 9 min)

Паўсядзённае жыццё мёртвай рыбы, і наадварот. "Мёртвая рыба з Берліна" — гэта павага да знакавых дакументальных кароткаметражных фільмаў, а таксама візуальная і гукавая амбіграма, якая падкрэсліваецца класічнай п'есай Эрыка Саці "Gnossienne № 1".

Уцекачы / Ранджыт Сінгхарайя ( Sri Lanka, 4 min)

Змярканне, нехта бяжыць праз лес. Пачынаецца авіяцыйная атака. Удалечыні раздаюцца стрэлы. Мы чуем размову мужчыны і жанчыны. Ён набліжаецца да іх...